ДЗИРИЙЫ ДЗУАР


ДЗИРИЙЫ ДЗУАР
Кувæндон Куырттаты комы, Цымытийæ Хæрисджыны æхсæн бæрзонд хохы сæр. Йæ бон вæййы Хетæджы Уастырджийы бæрæгбонимæ иумæ. Куывды йæм цыдысты æмæ цæуынц Цымытийы, Къадаты, Хидыхъусы, Хæрисджыны, Къора æмæ Уыры-хъæуы цæрджытæ. Раздæр-иу бæрæгбоны размæ нæлгоймаг кæстæртæ дзуары лæгтимæ кусарт акодтой Дзуары бын, стæй-иу ссыгътой цырагъ, цæмæй кувæндон æнæхъæн æхсæв рухс кодтаид. Уым-иу бахсæвиуат кодтой уæйлаг нымæттыл. Райсомæй-иу сæм адæм ссыдысты куывды. Алы хæдзарæн дæр дзуары лæг лæвæрдта, афæдзы дæргъы кувæндоны бæрцуаты цы фæдзæхсæн бæгæны æвæрд уыд, уымæй. Сæ бæгæныйыл-иу сын дзы æркалдта. Афæдзмæ-иу йæ ад уæлдайхуызон дæр нæ фæци.
Цъæх нæууыл-иу хъазт скодтой. Кувæндонмæ раздæр къахыдарæсы ничи цыд. Фæстæдæр уыцы æгъдау ферох.
Уалдзæджы-иу Дзуары лæг хъæутыл æрзылд, хæлттæ-иу сæппæрстой, æмæ-иу кæй хал схаудта, уыцы хæдзар сæрдмæ хаста æхсæны кусæрттаг. Ныр æй æлхæнынц мысайнæгтæй æмæ йæ цæттæ æргæвстæй сласынц дзуары бынмæ.

Словарь по этнографии и мифологии осетин. 2014.

Смотреть что такое "ДЗИРИЙЫ ДЗУАР" в других словарях:

  • Дауджыты дзуар — см. Дауджыты дзуар – перевод Дауджыты дзуар, Дзирийы дзуар – Куырттаты комы иуæй иу хъæуты зад кæрдæг æмæ хорæрзады бардуаг. Йæ бæрæгбон ын кодтой хосгæрдæнты, хуымгæрдæнты райдианы Дауджыты дзуары кувæндоны цур, Дзирийы хохы сæр. Алы хæдзар дæр… …   Словарь по этнографии и мифологии осетин

  • Дауджыты дзуар — или Дзири дзуар (осет. Дауджыты дзуар, Дзирийы дзуар) в осетинской мифологии божество плодородия и урожая. Божество названо по имени горы Дзири. Мифология Дауджыты дзуар был популярен у жителей сёл Куртатинского ущелья. Существовал праздник,… …   Википедия

  • Дз — А Æ Б Г Д Дж Дз Е З И Й К Къ Л М Н …   Словарь по этнографии и мифологии осетин